Like etter Brunkeberg høgdi ved kyrkja er nådd austanfrå, ligg Groven gardane mot sud med flate og hallande jorde. Det er 3 Grovengardar, Staulen eller Kyrkje-Groven og øvre og nedre Groven. Namnet kjem av grov, grovu ‏(stor eller liti jordsægd)‏ og er ei dativ form. I gamle brev vart det skrive Groffuin, Groffuenn, Grofven m. a.

Den fyrste husestaden låg litt i aust for Nigard, sud mot ei dalsøkk. Det heiter endå Tunvollen, og det syner murar etter husi; for det er no ikkje så mykje over hundrad år sidan husi vart flutt derifrå. Det som no heiter Staulen og ligg oppunder brauta mot kvrkja, skulle vera staule, heimestaule til Groven fyrr, det og Kosi og Uppåstaul; men så vart det hyst der litt fyre år 1700 og lagt inn under kyrkja som prestebol. Det vart kalla Kyrkje-Groven. Den som løyste det inn var Sveinung Steffason Groven med ein obligasjon på 1250 speisidaler, tingl. 12. 8. 1861
Frå tingboki: Opsund 21. 6. 1708, skjøte til Hans Paus på 1 tn. i Groven frå Samuel Morland ‏(prest)‏ -- frå stiftskriveren Jochum Heins bykslesetel på Kirke-Groven 1 tn. til Brunkeberg kyrkje til Hans Paus utstedd 28. 1. 1698. Ved folketeljingi 1664: «Kyrkjegrofven 1 tn. Bruges under prestegaarden ‏(ikkje namn)‏ og 1672: Ligger under prestegaarden 1 tn. Men 1751 2 tn. ‏(Kviteseid prestebol 1 tn. Kviteseid kyrkje 1 tn.)‏
Groven var rekna fullgard med skyld 4 tn. 6 dalar i 1647 og buskapen 1657 er 1 hest, 7 kyr, 12 sauer og 2 geiter.

Eigarar og brukarar
Gunleik ‏(Gullich)‏ heiter brukaren 1593 og framover til 1620, truleg er han sjølveigar. Men i åri 1622-41 er det fleire leiglendingar m. a. Aslak, Bjørn og Tor.
Tor svarar skatt av heile garden 1641-47 og frå 1647-61 2 tn. m. b. ‏(haIve garden)‏. Ved folketeliingi 1664 heiter oppsitjaren Kjetil 40 år, kona Ingebjørg og sønene Olav 23 år og Tjøstolv 14 år. Denne Kjetil finn ein har garden eller lut av han 1672-85. Elles er det mange odelsbønder som eig partar i Groven frå 1600 til 1700 -- såleis Niculs Berge 1611-29 1 tn., Tallev Utsund 1611-29 ½ tn,. Olluff Brekke 1611-29 1 ½ tn., Gunhild Groven 1611-13 1 2/3 tn. i Groven og luter i 4 gardar til. ‏(Nordgarden, Bakken, Sudbø og Haugen)‏. Steinar Midtsund 1651-65 1/6 tn. Tor Groven 1641-54 2 tn. Gregar Ryen, Heddal eig heile garden 4 tn. i 1670, Gunnulf Nes 1678-81 1 tn, Frå 1682 eig Claus Andersen og Anna sal Claus mestedelen av garden. ‏(3 7/8 tn.)‏ I åri 1686-1707 Hr. Hans Paus heile garden, ‏(4 tn)‏. Mad. Susanne Paus har 3 7/8 tn. i 1718-19 og det same har Christen Hansen Paus framover frå 1720 til 1747 då Christen som er lensmann, døyr. 1748 Mad. sal Christen 3 7/8 tn. Tallev har denne skyld 1749-64 og enka hans. Gunstein Kn. Groven får heimel på 1‑7/8 tn. 2. 4. 1771. Såmund Knutson får heimel på 2 tn. 19. 12. 1789 og 4 tn. 30. 9. 94 og har desse til 1802 da broren Knut g.m. Tone Endresdotter Tveit har i allefall 2 tn. til 1821. Ein Aslak Olavson har 2 tn. i 1802. Etter 1808 har Jens Knutson overteke desse 2 tn. etter Aslak. Han har desse 2 tn. 1821.

Lensmann Andreas Schodt ‏(1774-1842)‏ vert eigar av Groven i 1830 åri. Kona hans Gunhild d. på Groven 1836 og han 1842.
Det ser ut som garden har vore dela mellom Aslak Olavson og Knut Knutson med 2 tn. kvar omkr. 1800. men den offisielle skylddeling er fyrst i 1843, 30. 11.

I 1820 åri har Groven gått over til Ole Blom og Gudmund Fjågesund, for 7. 10. 1828 skriv dei ut festebrev på plassen Godokk til Olav Olavson.
Det ser ut som lensmann Schodt har rådevelde over heile garden for når han er død i 1842 vert garden dela millom sonen Per Schodt og dotteri Anne g.m. Såve Knutson Moen. ‏(22. 7. 1843 skylddelingi)‏ *
Anne Schodt skulle det vera som flutte husi frå Tunvollen til Nigard i 1838.
Såve og Anne til U.S.A. 1850 m/4 born.

På øvre Groven bur Per Schodt og Gunhild fra 1843 til 48 -- då dei reiser til U.S.A.
På denne tid kjem Sveinung Steffason og Guro Aslaksdotter til Groven. ‏(Innfl. attest 31. 10. 1850)‏. Han har 8 born. ‏(Hustveit 12)‏.
Sveinung Steffason var ein flink kar. Han rika seg opp og kjøpte fleire gardar. Fyrst Nigard Groven ‏(1850)‏ og så øvre Groven ‏(1852)‏, Kosi, Gotuholt ‏(øvre)‏, Midtigard Oppsund og sudigard Midtsund. Gutane hans fekk gardane.

Olav d. e. fekk Nigard Groven ‏(1872)‏, Sveinung øvre Groven, Aslak fekk Gotuholt, Olav d.y. Oppsund og Halvor fekk Midtsund, ‏(seinare Lønnegrav)‏.

Plassar
Desse høyrer no inn under ein av Grovengardane anten øvre eller nedre ‑ eller er fråselde.
Rulleteig ‏(Rullerud)‏ Bekkhus, Tjønnstaul, Godokk ‏(2 plassar)‏ og Husstaul. Bakken og Torget er fråselde i seinare tid.