Garden er i 1585-1611 rekna i verde 2 kalveskinn, i 1620-42 1 kalveskinn.
Dette Sandland har omlag 18 mål dyrka jord og 7 mål innmark og 200 mål utmark. Jordet er her også noko bratt og tungdrive med ljåslått ein del. Husi er i bra stand. Stoga og det gamle freda buret står side om side under ei bratt ufs med løde og fjos eit stykke undan.

I 1609-11 som halvgard, frå 1647 skyld 2 tn. som nordre Sandland.
Knut nemnest bonden på garden 1609 -- visst den same som Knut Gotuholt som har pant i Sandland for 2 tn. 1618-21 og 1 ½ tn. 1622-36.

Under øydegardar er Sandland søndre nemnt 1644-47 med brukaren Lauritz. I 1645 svarar Johannes m/hustru koppskatt -- likeeins for åri 1647-53.
Buskapen er i 1657 1 hest, 6 kyr, 14 sauer og 5 geiter.

Frå 1647-71 skattar skiftevis Tor og Lauritz av 2 tn. i Sandland. Lauritz er nemnt i manntalet 1661-62 og Tov i folketelj. 1664. ‏(Oppsidder Toff 30 år)‏.

Elles er det ein heil flokk som har pantar i garden framover til 1700 talet: Gunnulf Ålandsli og Gjermund, Tov Klomset, Leidulv ‏(1672-1704)‏, Knut, Jon, Auver, Margit, Sondre, Christian Rock ‏(1/2 tn.)‏, Philip Adolph Paulli ‏(9 nott.)‏, Trond, Sveinung og Gunnar eig små brøker av garden 1705-21.
Som sjølveigar «besidder og bruger» frå 1689 til 1739 er det eit tomrom.

I 1740-52 finn me Øystein 2 tn. og Endre 1753-55 2 tn., i 1756 enken 2 tn. Dette er nok Endre Guttormson som var g.m. Bergit Knutsdotter Håtveit. I 1763, 18. 4. får Guttorm son deira, heimel på ein del av garden og resten 8. 3. 1783. ‏(2 tn.)‏ Han har garden samla til 1808. Guttorm g.m. Torbjørg Talleivsd.tr. Båe døydde på Sandland, han 1822, ho 1820.

I tidi 1815-18 er garden visstnok dela for det er oppført 1 tn. skyld på Guttorm og 1 tn. på Endre son hans. Det er skifte 1. 2. 1812 etter fyrste kona av Endre, Anne Sveinungsdotter Haugland. Brt. 2505 rd. Net. 2408 rd., irekna jord i Sandland 2 tn. 1200 rd. Kontanter 800 rd. Sylv 42 rd.
Endre gift att 1813 med Hilleborg Halvorsdotter Bjåland f. Åse 1784, d. på Sandland 1855.
Endre døydde 1821. Skifte 24. 9. 1823 der garden Sandland ‏(2 tn.)‏ vert utlagt til yrnse m. a. sonen Guttorm Endresonen. Guttorm har innfritt utleggi med undantak av utleggi til enka Hilleborg -- 302 spdr. Fyrst 1. 10. 1852 summen sletta av panteboki.

Garden vart dela millom Guttorm og Steinar i 1840 åri. ‏(Tingl. 30. 9. 1852)‏. Guttorm hyste der nord i same tunet, bygde ny stoge 1846 og fekk det gamle loftet frå 1400 talet med i handelen.
Steinar fekk sudigard med den gamle stoga og veslebur. Han hadde garden til sin død 1880. ‏(Ugift)‏. Guttorm g.m. Kjersti Aslaksdotter hadde Nystog-Sandland til 1862, då dei drog til US.A. m/4 born. Såmund Knutson ‏(Såmundsson 18)‏ kjøpte garden. Han skjøtar det til Knut son sin 26. 6. 1871 Knut sel garden til Endre Knutson 15. 12. 1876 ‏(950 spdr)‏ ‏(Svollsbru 34)‏. Endre d. 1887 og enka Åsne Hakjesdotter sel eigedomen til sonen Olav Endreson ‏(ugift)‏ 13. 12. 1890.

Broren Søren Endreson hadde garden eit års tid 31. 3. 1891 og sel att til Olav 11. 3. 1892. Men Olav vart sjukleg og broren Endre Endreson kjøpte garden 6. 7. 1896 for 2948 kr. Skjøta ordna ved verge Åsmund Tallevson Sandland 11. 4. 1902. Endre g.m. Margit Torbjørnsdotter Omland var flink felemakar ‏(d. 1926)‏. Den som no er eigar er sonen Endre g.m. Anne Knutsdotter Bakkane.

Til garden har høyrt plassen Kasin som Olav Halvorson Ramskei rudde opp. Skylddela og selt 1863, 25. 9. -- til rudningsmannen.