Husi stod høgt oppe i bakken fyrr under eit snaut og kollelaga berg. ‏(Aslaugsberg)‏, men flutt ned for ca. 70 år sidan. ‏(Olav Dalen, Nissedal)‏.

Garden har no svært fine jorde utover mot elvi, meir nydyrka i seinare tid. Det er omlag 50 mål innmark og 600 mål utmark. Det er tvo bruk, det nordre fråskild som bureisingsbruk i 1933. Hasleberg grensar mot Midbøen øvre og nedre i nord og Svanajord i sud. På hovudbruket er eit gamalt loft frå 1797, kosta opp av Torjus Torgrimson g. II m. Bergit Tovsdotter ‏(TTS og B.T.D. 1797)‏ og ei stoge frå ikr. 1750. Til garden har høyrt staulen Rjupestaul. Fråseld ikr. 1860 til Vatnelian.
Namnet er nokså greidt, det er treet hassel som har skapt namnet -- elles har det vore skrive Aslaugsberg 1723.

Garden er nemnt i eit uprenta diplom frå 1595 -- eit arveskifte frå Særend millom Trond og Halvor Tallevsøner og Tårån, Asgjerd, Signe og Aslaug Tallevsdotter «samfødde syskin til mor og far». Det er fleire gardar som høyer til buet, men Trond og Halvor får m.a. kvar sitt markabol i Hosleberg i Brunkeberg sogn.
Hosleberg er rekna halvgard 2 tn. 3 dIr. og buskapen i 1657 var 1 hest, 4 kyr, 6 sauer og 2 geiter.

Eigarar og brukarar. Peder betalar saltverkskatt 1609-20. Anstein ‏(1629-41)‏ «bruger og odelsmand», Torgeir ‏(1644-47)‏, Torjus ‏(1645)‏, Guttorm ‏(1661-62)‏. Ved folketelj. 1664: Guttorm oppsitter og 50 år. Det skifter elles med namn utover. Ein Eivind Midbø skattar av 2 tn. ‏(1647-59)‏ og Eivind Skeie av det same i 1660. Elles eig Eivind Natadal 1 tn. i garden 1672-82 og Helge Midsund 1 tn. i same tidbolk. Etter dei finn me nemnde Ånund, Olav, Gunleik, Gro, Aslak og Asgeir og Jens. Etter 1716 finn me Torjus på Hasleberg g.m. Sissel Andersdotter

Denne ætti held seg ubroti på garden i nærepå 150 år. Torgrim Torjusson er skriven for 2 tn. 1759-65. Etter han får Torjus heimel på 1 ½ tn. 12. 2. 1780 og son hans Torgrim heimlar 1 ½ tn. 2. 3. 1808. Ein farbror åt den siste Halvor Torgrimson eig ½ tn. i 1808 og Aslak Tallevson Kvålset ‏(4 g. gift)‏ har 1 ½ tn. Seinare går parten av Aslak over til Torgrim frå 1815. Han og Ingebjørg Knutsdotter drog til U.S.A. 1852 -- han 68 år, ho 62 år. Olav O. Folkestad er skriven for garden i 1852. Broren Augon innfl. 1856 frå Bø, kjøper så garden -- for han er eigar i 1864. Kona heitte Helbjørg Haraldsdotter Dei hadde tvo born., Birgit og Olav. Olav døydde ung, ‏(20 år)‏. Bergit g.m. lærar Knut Sandland. Han har garden til 1890 åri då Olav Dalen, Nissedal kjøpte det, g.m. Åshild Fjalestad, så sel han til Tor Heggtveit og han til Aslak Brekka som selde det til O. St. Vinsvål omkr. 1917.