Dette er truleg hovvudbølet, og husi må vel ha stade der dei no står. Garden har 30 mål dyrka jord og om lag 2000 mål utmark, ‏(skoggrann)‏. Husi er i god stand. Stoga ombygd i 1880 av dåverande eigar Halvor Sveinungson, og innattbygt av sonesonen Halvor Hansson i 1952. Uthusbygningen er frå 1906 ‑ stor og romsam med tvo låvebruer i ymse høgder. Ei mindre stove, sumarstoge, er med og gjerder inn tunet på øystre kant. Me har høyrt fyrr at garden vart deila i 1842. Han som fekk hovudbølet, var Ådne Gunnarson g.m. Kristiane Sofie Aslaksdotter Findreng. Men i 1847, 5.10. vart Steane skild frå Findreng, og Ådne overtok denne garden. Han husa opp på Steane og budde vel der ei tid framover. Denne Ådne bytte gardar i 1882 med versonen sin Halvor Sveinungson Midtsund som då kom til Lønnegrav nordre. ‏(Skjøte frå Halvor på Midtsund 6.3.1882 til Ådne Lønnegrav, 22 000 kr.)‏.

Halvor døydde på Lønnegrav vestre 1933 ‏(88 år)‏, Ådne sonen hans hadde hatt garden ei tid -- men så bytte han med bor sin Hans i Lia søndre i Fjågesund, og Hans vart eigar i 1922. Han var g.m. Margit Eivindsdtr Nørstrud. No er det sonen hans Halvor f. 1930 g.m. Kate Fianbakken, Gjerstad som har overteke garden. -- Halvor drog på kvalfangst og drukna i det Karibiske hav onsdag 12.11.1958.