Kviteseid historielag

“VIL DU MEG LYE”

Foredrag ved Olav Solberg, song ved Ragnhild Furholt  

Solberg er medforfattar av boka “Vil du meg lyde”, som inneheld livsskildringar av om lag 450 ballade-songarar frå Telemark på 1800-talet. Solberg er professor eremitus i nordisk litteratur, og har i fleire år vore tilsett ved Høgskolen i Telemark.

Ragnhild Furholt er busett i Bø og jobbar som høgskolelektor i folkemusikk ved Institutt for folkekultur i Rauland. Ho har vunne Landskappleiken fire gonger i klassa for vokal folkemusikk – siste gongen honorert med Kongepokalen. I 1997 vann ho Spellemannsprisen i klassa for folkemusikk.

Arrangementet i Kviteseid er på første vinterdag, måndag 14. oktober, og er lagt til Skarprud i Tveitgrend, der Olav Solberg har slekta si i frå.

Arrangør: Kviteseid folkebibliotek, Kviteseid historielag, Den kulturelle spaserstokken

Laurdag 26. oktober er den nasjonale slektforskardagen.

Kviteseid folkebibliotek og Kviteseid historielag markerer dagen med ”Drop in” på biblioteket.
Er du interessert i Ættesoga på nett, men ikkje har kome heilt i gang enno kan du få råd og rettleiing denne dagen.
Det kan vera både tekst og bilete som kan vera aktuelt. 
Andre ættegranskarspørsmål kan og bli diskutert.

Kviteseid historielag
lanserer  ”Gamalt frå Kviteseid 2013”
fredag 29. november kl. 19.00
på kulturhuset Sundvang i Kviteseid

Program:

• Presentasjon av boka ”Gamalt frå Kviteseid 2013” med smakebitar av innhaldet.
  Her er om jordmor Lovise, og om Vesla Andersen. Georg Apenes fortel om då han var dommarfullmektig i Kviteseid, og det blir fortalt  om presten Boge som seinare dødde i Nazi-Tyskland. Kanskje kan vi også få eit levande lite glimt frå hopprenn i Lundevallsbakken. Elles inneheld boka mykje meir.
• Medlemer får utdelt boka, andre kan kjøpe
• Flyfoto frå 1930-40-50 og 60-talet vil bli vist på storskjerm
• Det blir servert kaffe og litt å bite i.
• Gratis inngang.

Gamle og nye medlemer hjarteleg velkomne!