Kviteseid historielag

Stadnamna er ein kulturarv som fleire stader er i ferd med å forsvinne.
For kvar generasjon som går forvitrar kunnskapen om stadnamna – folk
døyr, og landskap endrast.
Kvifor kallar me plassane Eidstod, Vrådal, Brunkeberg, Morgedal og
Kviteseid? Namna er der av ein grunn!

Torsdag 17. januar kl. 18.00 kjem namnegranskar og tidlegare namnekonsulent
Botolv Helleland til Waldenstrøm kafé for å fortelje meir om stadnamn
i Kviteseid.
Prosjektleiar for stadnamnprosjektet i Kviteseid, Per Ormestøyl,
vil presentere ein status for prosjektet.

Enkel servering.

Årsmøte tysdag 5. mars kl. 19.00
på Waldenstrøm kafe i Kviteseid.

Vanlege årsmøtesaker

Etter årsmøtesakene vil, 
Ragnhild Knudsen og Torunn Raftevold Rue,
ha ein liten konsert for oss.
Kaffi og kake, utlodding,
Vel møtt!

På Kviteseiddagen i år blir sjette og siste boka i serien om husmannsplassar i Kviteseid lansert. Denne boka omfattar Haukom og Moen krinsar i Sundbygdi i Kviteseid.

Etter fem år med utruleg mange dugnadstimar, er no heile verket om husmannsplassane i Kviteseid ferdig. Mange har bidrege i dette arbeidet, og alle skal få sin velfortente takk for arbeidet dei har lagt ned.

Husmannen sjølv (Svein Dag Midtsund) kjem på besøk. Med utsegna «Me hadde lite, men visste kva som var mykje» vil han fortelje om korleis det verkeleg var å vera husmann.

Til å avslutte dagen kjem duoen Haugeland & Gautefall, som består av Lisa Haugeland og Herman Gautefall, og som har gjort Haukomgrendingar av seg. Duoen spelar tøffe slåttar frå Telemark og Agder, og i friske arrangement tek dei vare på tradisjonen og det særmerkte i musikken.