Kviteseid historielag

Kviteseid historielag
lanserer  ”Gamalt frå Kviteseid 2013”
fredag 29. november kl. 19.00
på kulturhuset Sundvang i Kviteseid

Program:

• Presentasjon av boka ”Gamalt frå Kviteseid 2013” med smakebitar av innhaldet.
  Her er om jordmor Lovise, og om Vesla Andersen. Georg Apenes fortel om då han var dommarfullmektig i Kviteseid, og det blir fortalt  om presten Boge som seinare dødde i Nazi-Tyskland. Kanskje kan vi også få eit levande lite glimt frå hopprenn i Lundevallsbakken. Elles inneheld boka mykje meir.
• Medlemer får utdelt boka, andre kan kjøpe
• Flyfoto frå 1930-40-50 og 60-talet vil bli vist på storskjerm
• Det blir servert kaffe og litt å bite i.
• Gratis inngang.

Gamle og nye medlemer hjarteleg velkomne!

Bli med Kviteseid historielag på kyrkjegardsvandring onsdag 7. juni kl. 19.00.

Her vil vi få høyre litt historie om kyrkjegarden, og vi vil få kjennskap til nokre av dei som ligg her.
Etter vandringa på kyrkjegarden tek vi turen opp til kyrkja.
Her vil vi få ei lita omvising i kyrkja.
Her tek vi også ei lita kaffipause.
Ta med kaffi og litt kaffimat.
Tak gjerne med stol. Vel møtt!

Her er det utslag av tømmer på Vråstrondi ein gong på 1950-talet. Fram er med.

Kviteseid historielag inviterer til båttur med «Fram»
onsdag 30. august kl. 18.00.

Frammøte ved Eidsto brygge. Brygga er no fullrestaurert, og det vil bli ei opning av brygga med ei orientering om staden Eidsto.
Båtturen vil gå opp gjennom Småstraum, opp Roholtåi til Storstraum. Her vil ein snu, og så går turen ut i øylandskapet i Nisser. Turen vil ta om lag to timar. Det vil bli kulturelle innslag, og gaiding med lokalkjende folk.
Billett kr. 50.