Kviteseid historielag

Laurdag 26. oktober er den nasjonale slektforskardagen.

Kviteseid folkebibliotek og Kviteseid historielag markerer dagen med ”Drop in” på biblioteket.
Er du interessert i Ættesoga på nett, men ikkje har kome heilt i gang enno kan du få råd og rettleiing denne dagen.
Det kan vera både tekst og bilete som kan vera aktuelt. 
Andre ættegranskarspørsmål kan og bli diskutert.

Kviteseid historielag
lanserer  ”Gamalt frå Kviteseid 2013”
fredag 29. november kl. 19.00
på kulturhuset Sundvang i Kviteseid

Program:

• Presentasjon av boka ”Gamalt frå Kviteseid 2013” med smakebitar av innhaldet.
  Her er om jordmor Lovise, og om Vesla Andersen. Georg Apenes fortel om då han var dommarfullmektig i Kviteseid, og det blir fortalt  om presten Boge som seinare dødde i Nazi-Tyskland. Kanskje kan vi også få eit levande lite glimt frå hopprenn i Lundevallsbakken. Elles inneheld boka mykje meir.
• Medlemer får utdelt boka, andre kan kjøpe
• Flyfoto frå 1930-40-50 og 60-talet vil bli vist på storskjerm
• Det blir servert kaffe og litt å bite i.
• Gratis inngang.

Gamle og nye medlemer hjarteleg velkomne!

Kviteseid historielag viser fotoutstillinga:

«Grupper av alle slag»

på Kviteseidmarken fredag 14. og laurdag 15. februar

Her vil ein sjå gruppebilete frå 17. maisamlingar, turar og ulike lag frå kommunen og mange fleir.

Det vil også vera høve til å sjå flyfoto frå heile kommunen på skjerm.

Vel møtt!